لعبة كل يوم كلمة جديدة

تذكير بمساهمة فاتح الموضوع :

قبل شوي وضعت رد وفيه كلمة قديمة تقدرين تقولين مغبرة

لدرجة اني استغربت من ردي

ولا تهون بمبرة الماسة اهه اهه كح كح كح غبار


المهام

بقولل كلمة اللي بعدي تحط كلمة بعد ما تجيب معنى الكلمة السابقة ( تكلمنا وترسنا البيت كليمات)

المهم الكلمة

قوتره

ياللي بعدي

!!!!

ما عليك لوا

النصيفية مصنوعة من السعف ويوضع فيها التمر

الدولكه مثل الكاس بعروة عادة صت

واحينا تطلق على جيك الماء عند بعض الناس

طيب ((*-*))

عطينا كلمة

ابي اقولكم كلمه بس لا تضحكون علي


شنو معنى كلمة مطال

أم رامي كتب:

ابي اقولكم كلمه بس لا تضحكون علي


شنو معنى كلمة مطال

ا لمطال هو روث الحيوان او بذات البقره
أعزكم الله


العنزروت ههههههههههههههههه

والله صعبه عنزروت استعنت بابو العيال

قال يمكن عزرائيل ما ادري اول مره اسمع

فيها

هو صمغ شجرة تنبت في بلاد الفرس ، في طعمه مرارة له قوة ملزقة

وهو نوع من العلاجات العشبيه القديمه

صح مرت عمي ....

لا تنسين تسلميني على ابو ناصر.. مع

شنو معنى (( طبر ))

ولو ياالماسه كلش الا طبر

الان يسمونه الساطور وهي

زي السكين الكبير لتقطيع

لحم وخاصة الاضاحي

ما معنى كلمة بكشه

هلاوالله بالجميع

البكشه هي قطعه من القماش نصفط الهدو م ( يعني مثل الجنطه الحين )




*******************

چارة

الجاره هي طريقه او فكره لحل شي معين


طيب شنو معنى {رك }

صح يا ام اكثم ويكون مصنوع من سعف النخل ويكون له شكل خاص

لو اعرف ارسم كان رسمته لك

المصرقع يمكن الشخص الحار الي بحرورته يهبلك

ما معنى المقحام

هذي اخذتها من عمي عبدالرزاق الله يحفظه

المقحام اعترف اني ما اعرفها

بس انتظر ابو رامي لمن يرجع من الصلاة واساله

ام فيصل حبيبتي قولي ابو فيصل ما فيه خيارات

كانها هذه كلمه كرديه او فارسيه حنا قلنا

كلام زبيري عتيج بس مو بهذه الدرجه

انتظر الرد منك باسع وقت يمكن استعين باخوي ابو ناصر

الله يخليه لنا ياااااااااااااااااااااااارب

الله يعطيج العافية يا أم رامي

ولد عمج أبو فيصل يقول الفرواند) لاهي كردية ولا فارسية
هي الحبل الي يشدة الفلآح حول نفسه عند صعوده للنخله علشان يحوي الرٌطب

انتي ما جد رحتي للينوبات ...!

بشرى بنت علي كتب:

ما معنى المقحام

هذي اخذتها من عمي عبدالرزاق الله يحفظه

المقحام ياطويلة العمر هو قفل الباب سابقا اي سكرون فيه باب السكه عن الحرامي


وشمعنى (التب

ههههههههههههههه

المقحام هذا باب ابو خوخه لان بيبان الزبير اول خشب

والله يا ام فيصل اروح للجنوبات وايد واشوف الفلاليح يصعدون

على النخله يحون الرطب بس ماعمري سالتهم ايش

تسمونه بس على كل حال منك نستفيد وسلميني على ابو فيصل

طيب شنو كلمة مدعاب

أم رامي كتب:

المقحام هذا باب ابو خوخه لان بيبان الزبير اول خشب

والله يا ام فيصل اروح للجنوبات وايد واشوف الفلاليح يصعدون

على النخله يحون الرطب بس ماعمري سالتهم ايش

تسمونه بس على كل حال منك نستفيد وسلميني على ابو فيصل

طيب شنو كلمة مدعاب

المدعاب هو ممر للمطر طبعا في الارض عشان يطلع المطر بالسكه
عشان ماطيح بيوتهم ههههههههههههههههه

شو معنى دوري

كلمة دوري يمكن لفي

دوري حسب موقعها من الاعراب

دوري بمعنى ابحثي ان كانت فعل امر ملزم بالبحث والتدوير

وان كانت حق مكتسب فهي دوري أي جواب من عليه الدور الحين

وقد تكون تتبع التحديث والتمدن مثل دوري كرة القدم

وممكن تكون فعل بسبب لبس فستان نافش وتقولين للبنت دوري وهي ما تصدق تفر فره

وممكن تكون اسم ممنوع من الصرف لنوع من الطيور على وزن زوري الاسماك بحذف الزاء ولصق الدال

ويمكن يكون لا شيء مما سبق




اللي بعدي

البنجرة

البنجره طويلة العمر بعد الاستعانه في ابو رامي

يقول كانها مثل الدريشه اوشباك صغير يكون فوق


طيب ما معنى كلمة روشنه

الروشنة هي عبارة عن دولاب بالجدار مثل الشباك

ويكون مثل الرف وتوضع فيه الاشياء



ما معنى بواري