لعبة كل يوم كلمة جديدة

تذكير بمساهمة فاتح الموضوع :

قبل شوي وضعت رد وفيه كلمة قديمة تقدرين تقولين مغبرة

لدرجة اني استغربت من ردي

ولا تهون بمبرة الماسة اهه اهه كح كح كح غبار


المهام

بقولل كلمة اللي بعدي تحط كلمة بعد ما تجيب معنى الكلمة السابقة ( تكلمنا وترسنا البيت كليمات)

المهم الكلمة

قوتره

ياللي بعدي

عتوك الكلمات على قفا يشيل

وحق المسابقة مستخبي

هههههههههه

المهم انا دايما انسى احط كلمة بس اجاوبت وامشي

وش كلمة مطال



مو تبين كلمة

يالله هذا اللي جا على بالي تونا متكلمين مع عمتي عن ----------

أم رامي الي رد عليج ام مشعل مو بشرى

ام مشعل

منورة المنتدى ما شاء الله

القيض

هو الصيف


طيب على طاري القيض

وشو القايلة

القايله يا طويلة العمر حزة الظهر


طيب شنو معنى كلمة كشمه

مرحاض الله يكرم السامعين

صح عليك يا نونو بس حبيبتي ليه ما

حطيتي كلمه زبيريه عتيجه


طيب شنو معنى كلمة مكحاف

ماعون

المهم

نوع من المواعين


شفقه


ههههههههههههههه

اقول يابشرى ما خلصنا من المسابقة رمضان

تطلعين لنا بكلمات ما ادري شنو صايره


وحده منبطه مرارتها منك مع اني ما عندي مراره هههههههههههه

شفقه هي القبعه او الكبوس هذا الي تقصدينه


طيب شنو معنى كلمة سباري

فول سوداني

يس بشري عسى المسابقة صعبة


لان العام كلكم تعادل


السنه هذي اشوى فيه تفاوت


طيب وش الفرق بين الشناظة والضروة


اكيد بتقفلين الاب توب

ههههههههههههه

لا والله هذه سهله مو مثل الضياء والنور ةالا عاد العشب والحشيش

الشناضه جزء بسيط من العجين والضروه مقدار قليل من اللين وينحط فوق الحليب

حتى يصير روبه وتالي يحطونه بالمضخه ويخضونه ويطلع لبن

بعد مسابقة رمضان راح نطلع محللين سياسين الله يستر يارب

طيب ايش الفرق بين خبز اللحم وخبز العروق

واتمنى بشرى هي الي تجاوب رجاءا لاحد يجاوب غيرها

لانها ذبحتنا وبقرت عيون بالمسابقه الله يسعدها

Khubiz laham mashwy bil tanoor
Khubiz uroog magly bil zate


Ma indy keyboard arbi

بشوره ليه ما عندج كبورد عربي

ردينا على اهل الويه الصفر ابو براطم

ذبحتيني فيهم حطي لنا مثل هذه الصوره الرومانسيه

اهم شيء جوابي صح ولا لا

كيبورد اي باد ما يكتب عربي وما عندي الا هالوجه الطيب ولا هانوا خوانه

عوير وزوير وكلهم فيهم خير


المهم وش معنى كلمة كاغد


سهله

هو القرطاس نوع من الورق

طيب شنو معنى مسحات

خلصن الكلمات الزبيريه

مسحاة من ادوات الحفر والبناء

طيب وشو

الطنطل

بسم الله الرحمن الرحيم وشجاب الطنطل

الله يسلمج ويعافيج من كل شر شخصيه

وهميه اوجدها اهل الزبير لتخويف اليهال

طيب شنو خضرى ام الليف

الظاهر راح ينقلب فلم رعب

هي مرت الطنطل الاولى وهي النخلة بس يخوفون الناس فيها



الحرمة الثانية السعلوة


وترى هي كلمة عربية فصحى وهي انثى الغول وتسمى السعلاة



نقلب مسابقة



تذكرون كلمة اقط

نقولها للمعلمة نعم اقط القلم - من عنده قطاطة

هههههه


وش المنديل

المنديل هي الجفيه وهي مثل الكلينكس

بس من قماش وتكون مرعه الشكل ونكت

خشومنا فيها ونغسلها ههههههه

طيب عرفي شخصية ابو الكاز

هو اللي يبيع الغاز ( الكاز)


بس وش الفرق بين المندل والمنديل هههههههههههههههههههههههه


الحين تطقوني

واو واو واو كرهت شيء فيه مقارنه والفرق

الظاهر صار عندك استمراريه بهذا الشيء

المنديل هو الجفيه يستخدمونها لتنظيف الخشم

المندل هو يضعونه في الارض ويجلسون عليه تراه

ما زال موجود شايفته ينباع بخط انكاس في محلات المفروشات

طيب ايش الفرق بين السجاده والزوليه

خخخخخخخخخخخخخخخخخخ

الزولية من الزل وهي الزواي الممدودة بكبر الغرفة او ما يطلق عليه موكيت هههه

السجاد تكون قطعة منسوجة لوحدها ومسرفله اطرافها بخيط منها وفيها عكس الزوليه



هذا اللي اخبره


بس ذكرتيني وش المده والبرنيه


هي حولهم

المده هي مثل السجاده بس تكون طويله جدا

وسخيفه والبرنيه يمكن الي يحطون فيها الماء هي القرشه

طيب شنو كلمة يراري

والله ما ادري

يراري اذا كان شفاف


طيب نصيفية

ترى انا حاطتها بداية الموضوع

نصيفيه الله يطول بعمرك هي عباره

خوص يضعون في التمر

طيب شنو معنى قاصه