مرحبا ياحلوات
جبت لكم طبخه لذيذه وسهله مررررررررررررررره
لاتقولون صور ماصور ابد مايحتاج بس تحطين عباس على دباس وتستوي الطبخه
المقادير:
دجاجه مقطعه قطع عدله يعني صدر وجناحات وارجل فهمتو
خضار الموجود عندك: بطاطا- بيذنجان - كوسا- فلفل رومي_ بصل جناحات- جزر
الطريقه:
تسلقين الدجاجه مده بسيطه بس تطلع الزفره حقتها يعني لمن تشوفين الرغوه الي طلعت من الدجاجه طفحت بالمويه لاتخلينها تستوي انتبهي
اذا طلعت الرغوه خلاص شيلي قطع الدجاج وحطيها في صحن بايركس وضيفي فوقها الخضار طبعا الخضار مو مستويه
اضيفي البهار- الملح- نص ليمونه- ملعقة خل- 3 ملاعق صلصة الصويا- ثوم مهروس
اخلطي الدجاج مع الخضار>>> يعني دجاج +خضار+البهارات والملح و............
غطي صحن البايركس بقصدير وفوق القصدير غطا وضعيه على نار متوسطه طبعا البايركس لازم تحته حديده عشان ماينكسر>>> أخاف بعد فيكم عرايس جدد مايعرفون هالمعلومه
وانتهت الطبخه شفتو شلون سهله والله هي تستوي من نفسها وطعم الخضار يجنن تصير فيه نكهة الدجاج أحلى من انه ينسلق صح ياحلوات!!!
بالهناء والعافيه على قلوبكم
الجمعة يوليو 09, 2010 11:42 pm
