كوكيز شيكولاتة x شيكولاتة والطعم يدوخ
المقادير:
60 جرام شيكولاتة طبخ مذابة على حمام مائى(انا باستعمل الهيرشى طعمها روعة) --كوب الا ربع دقيق -- 1\8 كوب كاكاو بدون سكر -- 1\4 م\ص بيكربونات صوديوم -- 1\2 م\ص بايكنج بودر --1\2 ك زبدة طرية -- 1\3 ك سكر بنى مطحون -- 1\3 ك سكر ابيض مطحون -- بيضة ساقعة من التلاجة -- شيكولاتة رقائق او ام اند امز للتزيين
نخلط الدقيق مع الملح و البودر والبيكربونات والكاكاو ونتركهم على جنب
فى وعاء اخر الزبدة مع السكر الابيض والسكر البنى ونضرب بالمضرب لغاية ما تبقى كريمة
نضيف الشيكولاتة المذابة ونضرب
نضيف البيضة الساقعة مع شوية فانيليا ونضرب
ثم نضيف خليط الدقيق ونقلب الاول وبعدين نضرب بالمضرب عشان ما نبعترش الدقيق
ودة شكل الخليط بس انا زودت ملعقتين دقيق عشان حسيت انة ناعم اوى
وبعدين نضيف شوية شيكولاتة رقائق او قطع شيكولاتة من اى نوع حسب المتوفر ونقلب بالملعقة مش المضرب
ودة جزء ضفت علية ام اند امز عشان الاولاد
بمعلقة نشكل الحليط ونحطة فى صينية الخبز ونسيب بينة مسافات عشان بيفرد ونزين الوجة بشيكولاتة
ندخلة فرن ساخن على درجة حرارة متوسطة لمة 20 دقيقة بس ونختبرة بعود اسنان لو طلع من غير زبدة يبقى استوى
ودة شكلة بعد ما طلع
اول ما يطلع من الفرن هتلاقية طرى جدا سبية دقيقة على الصينية يمسك وبعدين نطلعة يبرد على مصفاة اوشبكة ويحفظ فى علبة محكمة الغلق
الأربعاء ديسمبر 30, 2009 6:19 pm
