هاذي وحده تقرب لي تزوجت وهي صغيره وجابت عيال المهم بنتها تدرس ثاني ابتدائي
وراحت الام مجلس الامهات ورجعت
وكانت قاعده تجهز الغدا الا فجاءه دخلت عليها بنتها توها جاايه من المدرسه قالت
له يماما البنااات يقولون امك صغيره تقول واطمر في حلقهاا اقول اصصصص بعدين كملي لين جلسنا على الغداا تبي رجلهاا يسمع هالكلام
تقول يوم جلسو يتغدون سالت بنتها قالت وش تقولين من شوي في المطبخ والام مبسوطه تبي رجلها يسمع
قالت البنت صديقااتي يقولون امك صغيره مرررره بس شينه وتخووووف ضروسهاا مره كنها ساحره
خخخخخخخخخخخخخخخخخخخخخخخخ
============================== ==================== =
وهذا الموقف صار فى بيت صديقتى كان اخوانهاواصدقاءهم واثنين ما اعماممها وكلهم رجاجيل كبار قاعدين
ى المجلس فجاة انفتح الباب عليهم والا اخوانها الصغار واصدقاءهم يعنى العدد سته تقريباوكلهم صغار داخلين طابور ويمشون مشية عسكرية وكلهم حاطين على فمهم كمامة ,,,
بس الكمامة كانت عبارة عن كوتكس [ فوط صحية ] اللى كان فى خيوط وحاطين الخيوط ورا الاذن ويشمون ويدورون فى المجلس ويقولون هذا من حمام ما ما جبناه
============================== ==================== ========
زوجى يعلمنى كلنت عندنا بنت صديقتى عمرها خمس سنوات يقولى جات عندى تقول انا بس اللى كبيرة بالبيت شوف انا البس سروال بس بدون حفاضة
""وتكشف فستانها"" كلهم يلبسون حفايض ماعدا انا وابوى ترى حتى امى تلبس حفاضة زوجى يقول اتفشلت وقلتلها عيب يالا روحى عند الحريم بس اشوا ان ابوها ما كان موجود
============================== ========
مرة كنا مجتمعات انا و خواتي في بيت أهلي ، و جاءت بنت عمي تتهوى عندنا ، و احنا جالسات في مجلس النساء نتقهوى و نسولف ، كانت بنت عمي معها بنتها صغيرة توها تجلس ، و العيال يلعبون ولدي و عيال خواتي
، و احيانا يدخلون علينا اذا يبغون شيء ، ولدي يحب الصغار ، دخل يبغى مني حاجة و بعدين وهو بيطلع انتبه للبنات ، فأبتسم و راح لها ،، انا كنت أظن انه بيحبها و بيروح ، بس لما شفته ساكت و بس يطالعها و يبتسم
أوجست خيفة قلت في نفسي أكيد بيسوي شيء حتى أمي خافت ،، أمها البريئة قالت: عاجبتك تعال حبها بزوجك أياها ، ولدي على طول قال: وااع ، بنتك كنها قرد ... وووووااااااه أنا كانه منكب علي
موية باردة حتى مرت أخوي تقول أنا طالعت وجهك على طول تلقب و رحمتك ، و أهاوشه و أطلعه من المجلس و أرجع اعتذر لأمها و انا شوي أصيح من الفشيلة ،، وهي تخفف علي و تقول ما عليه بزارين ...
========================
مره لما كنت صغيره شوي كنت جالسه انتظر امي تيجي تمشطلي شعري ومبطله شعري
اللا فجئئئئئئئه اشوف كنه رشاااااش ماي حار على راسسسي اللا الف والقى اخوووووي الصغير يبول في شعرررررررررررري خخخخخخخخخخخخخخخخخخخخخخ
هو الحين كبير ولما اذكره ينحررج ويضحك 00 اقوله شعري كان حلو ناعم وبسبب بولك تفلفل خخخخخخخخخخخخ لو بول جمل قلنا عادي زين للشعر بس مو بول انساااااااان خخخخخخخخخ
لا والحين لما يشوفني احط خلطات بشعري يقول لاتحاولين شعرك مراااح ينعم المفعول قوي خخخخخخخخخخ يقهرني هذا
============================== =======
طيب وحده من صاحبات اختي تقول كنا مرره جالسين انا وامي واخواتي وزوجات اخواني ...المهم تقول كنا هذيك اللحظه ساكتين ..وفي وسط الهدوء هذا جت بنتي(ماادري كم عمرها)
بس اكيد صغيره مره..تقول:جت عندي وقالت بصوت عااالي وفي قمه البرود:ماما تتذكرين بابا يوم عطاك كف!!! تقول انا خجلت مررره والمصيبه انه ماقد عطاني هالكف اللي تقول عنه..
============================== ==================== ============
واحد من الاطفال الي كله براءه ودلاخه...
كان عندهم عزيمت رجاجيل في البيت..
والولد متفصخ(كما خلقني ربي))يبي يشد الانتباه له الاو لاهي مع المعازيم والام في المطبخ ومحد درى عنه عاد هو انقهر منهم وش سوى
راح عند الرجاجيل وهو مفصخ
تدرون وش قال؟؟
قال انا زي بابا...
هههههههههههههههههههههههههههههه هههههه
وتخيلو موقف ابوه
=============================
في عصرية جتنا جارتنا مع بنتها الدلوعة ..صغيرة عمرها 5سنوات
المهم.. كنت انا واختي الكبيرة جالسين معاها ونسولف ونضحك والبنية تتسمع السوالف(عوبة)
لين جا طاري العطور واحدث شي بالاسواق .. وعاد جارتنا طلعت من شنطتها عطر جديد شاريته
تمدحه وتقول شموه ورشوا عاااادي ..... اختي الكبيرة عادي خذت وطشت شوي
وانا قلتها ....اخاف اخلصه عليك(امزح معاها) عاد هي قالت لا خذي راحتك عندي منه اثنين بالبيت
عاد هني قالت بنتها بصوت عالي يصم الآذان: كذااااااابة ماعندها الا واحد بسس
ههههههههههههههههههههه انا االصراحة ماقدرت اكتم ضحكتي ووحرام هي تفشلت مرة من بنتها
ومشيناها انا اختي وقلنا ياحليلهم الصغار يفشلووووووون
------------------------------------------
في وحده قالتلي قصت جدتها
تقول ان جدتها تدور حمام عربي ودخلت الحمام , وجا واحد من عيال بنتها وقام يطل من تحت الحمام انصدم الولد وقام يصارخ باعلى صوته ويقول
امي منيره فيها شنب , امي منيره فيها شنب
العجوز استحت وتغير وجها ومغير تقول له اخس واقطع , اخس واقطع .
==========================
ساكنه عند حموله تقول بعد المغرب يتجمعون كلهم على القهوه ونزلت المغرب تقهوى معهم ووجها واخوان زوجها وحريمهم كلهم مجتمعين الحريم طبعا متغطين بشراشف
تقول شوي الا بنتي نزلت لابسه قميص نوم امها قصير مره وطلع مقاس
البنت الي عمرها 5 سنوات تقول شيفون اسود وكله هدب احمر خخخخخخخخخخخ والبنت تقول والله ياماما فستانك مقااسي شوفي حتى صغير عليك
خخخخخخخخخخ تقول انا جتني دوخه ماعاد صرت اشوف
وزوجي شال بنته مع كشتها طلعها فوق وابو زوجها مافهم يحسب الفستان للبنت يقول يازينه زينااااااااه تعالي وريني خخخخخخخخخخ
ياحليلها...........بس والله فشله.....
============================== =====
الموقف هذا حصل مع جارتي اولادها ماشاء الله كبار اللي في الثانويه والمتوسط
المهم زارهم خويهم_وكان أسمر_ وتجمعوا عيال عمتهم وجيرانهم في المجلس و
مادرواالااخوهم ابو 4 سنين دخل ويطير عيونه ويقول تجمعتوا وكمان جايبين الطقاقة معكم
عااااد دوريهم المساكين مع ضيفهم.........
============================== =======
قبل مااتزوج حصلت .. ( كنا مره من المرات قاعدين مع جدي مع بنات عماتي وعمومي ..
طبعاً جدي كبير بالسن وتعب وطاح علينا (اغمى عليه) احنا ماعرفنا وش نسوي وقعدنا نصيح وماكان فيه رجاجيل بالبيت ماعدا ولد عمتي واتصل للأسعاف ..
وعاد بنت عمتي صغيره واخوها الي اصغر منها .. البنت اول ماشافت جدي غايب عن الوعي والاسعاف اتشيله جلست تصفق
وتغني جدي مات جدي مات وتتنطط وفرحانه .. واخوها الخبل يصرخ على امه يقولها ابي فلوس سيارة الاسكريم واقفه << يفكر سيارة الاسعاف سيارة اسكريم !
واحنا بهالموقف رغم ان كنا نصيح متنا من الضحك .. والحمد لله جدي بهذاك الوقت ماصار له شي ..
بس الحين الله يرحمه
============================== ====================
الجمعة يونيو 25, 2010 4:10 am
