قصيده الشاعر سعدون الععواجي يناشد ابنائه عقاب وحجاب

مساكم الله بالخير الجميع .


حدث خلاف بين الشيخ سعدون وام عياله فطلقها واخذت معها ولديها عقاب وحجاب عند اهلها من الفدعان في سوريا تربى الاولاد عند اخوالهم احسن تربيه وحين بلغوا سن الرجوله خيلوهما واصبحا فارسين يضرب بهما المثل .
برز احد ابناء عمومة الشيخ سعدون شخص اسمه شامخ العواجي واخذ ينازع الشيخ سعدون الزعامه
ويعرقل نفوذه واستفحل امره وخفر ذمام الشيخ سعدون مرارا الى ان اخذ مكان الشيخ سعدون وحقره
وعامله معامله سيئه وحظر عليه ان يورد الابل الا بعد ان تورد القبيلة ابلها كلها وما لقى الشيخ اي نصير له من القبيله وساءت احواله اخيرا شخص كان يعطف على الشيخ سعدون قاله يكتب لاولاده مكتوب لاجل يرجعون عنده فارسل لهم كتاب يستنجدهم فقال فيه .

يا راكب ٍ من عندنا فوق مهذاب .
مامون قطاع الفيافي إلى أنويت .

عند الفضيله عد يومين بحساب .
أول قراهم قول يا ضيف حييت .

حر ٍ صغير وتو ما شق له ناب .
وعقب القرا ودع رجالا لهم صيت .

وليا ركبته ضربه خل الاجناب .
وانحر لنجم الجدي وإن كان مديت .

وإسلم وسلم لي على عقاب وحجاب .
سلم على مضنون عيني إلى الفيت .

بالحال خص عقاب فكاك الانشاب .
ينجيك كان انك عن الحق عديت .

قله ترى شامخ شمخ عقب ما شاب .
ويا عقاب والله ذللوني وذليت .

ويا عقاب حدوني على غير ما طاب .
وقالوا تودر من ورى الما وتعديت .

من عقب ماني سترهم عند الاجناب .
وليا بلتهم قالةٍ ما تتقيت .

ما دام شاخ مالك ٍ جرد الارقاب .
لو زين الفنجال لي ما تقهويت .

يا عقاب حط بثومة القلب مخلاب .
من العام في نوم العرب ما تهنيت .

الجفن عن نوم الملا فيه نتاب .
وعد الطعام مدوس ٍ به حلاتيت .

عقب المعزه صرت يا عقاب مرعاب .
والناس حيين ٍ وانا عقبكم ميت .

من الضيم يا عقاب السرب عارضي شاب .
واذويت من كثر العنا واستخفيت .

فات ٍ ثلاث سنين والنوم ما طاب .
وشكواي من صدري عبار وتناهيت .

البيت ما يبنى بلا عمد واطناب .
متى يجينا عقاب يبني لنا البيت .

مالي جدا إلا عضة البهم بالناب .
وراعيت كثر الحيف بالعين واغضيت .

أرجي بشير الخير مع كل هباب .
ومتى يجونا اخوان نمشه على الصيت


[url]